– teńsizlik bir yamasa birneshe ózgeriwshilerge iye bolıwı múmkin, sonda sáykes túrde teńsizlik bir ózgeriwshili yamasa birneshe ózgeriwshili teńsizlik dep ataladı. Eger teńsizlikke kirgen ózgeriwshiniń mánislerinde teńsizliktiń eki jaǵı da mániske iye bolsa, onda bul mánisler múmkin bolǵan mánisler delinedi. Ózgeriwshiniń barlıq múmkin bolǵan mánisleriniń kópligi teńsizliktiń anıqlanıw oblastı yamasa ózgeriwshiniń múmkin bolǵan mánisler oblastı (MBMO) dep ataladı.