– berilgen teoremanıń shárti juwmaq, al juwmaǵı shárt bolatuǵın teorema. Berilgen teorema oǵan keri teoremaǵa qarata tuwrı teorema dep ataladı. Sonday-aq keri teoremaǵa keri teorema berilgen teorema boladı. Sonlıqtan tuwrı hám keri teoremalardı óz-ara keri teoremalar dep ataydı. Berilgen teorema durıs bolǵanı menen oǵan keri teorema barlıq waqıtta durıs bola bermeydi. Mısal, eger tórtmúyeshlik romb bolsa, onda onıń diagonalları óz-ara perpendikulyar boladı degen teoremaǵa keri teorema durıs bolmaydı.