– bul usıl jasawǵa arnalǵan máselelerdi sheshiwdiń tiykarǵı usıllarınıń biri. Meyli jasawǵa arnalǵan máseleni sheshiwde eki shártti qanaatlandıratuǵın bazıbir $X$ noqattı tabıw zárúr bolsın. 1-shártti qanaatlandıratuǵın noqatlardıń geometriyalıq ornı bazıbir $F$ figurası bolsın, al 2-shártti qanaatlandıratuǵın noqatlardıń geometriyalıq ornı bazıbir $\Phi$ figurası bolsın. Izlengen $X$ noqat usı $F$ hám $\Phi$ figuralarınıń hár birine tiyisli, yaǵnıy olardıń kesilisiw noqatı boladı. Eger geometriyalıq orın tuwrılardan hám sheńberlerden ibarat ápiwayı geometriyalıq orın bolsa, onda biz olardı jasaymız hám $X$ izlengen noqattı taba alamız.