– 1) bir analitikalıq ańlatpanı oǵan birdeylik túrde teń bolǵan, bıraq forması boyınsha ózgeshe bolǵan basqa ańlatpa menen almastırıw. Birdeylik túrlendiriwdiń maqseti ańlatpanı sanlıq esaplawlar ushın yamasa logarifmlew, potenciallaw, differenciallaw, integrallaw, teńlemelerdi sheshiw ushın hám t.b. túrlendiriwler ushın qolaylı túrge keltiriw bolıwı múmkin. Birdeylik túrlendiriwlerge, mısalı, uqsas aǵzalardı jıynaw, qawsırmalardı ashıw, kóbeytiwshilerge jiklew, algebralıq bólsheklerdi bir bólimge keltiriw, olardı elementar bólsheklerge jiklew, trigonometriyalıq funkciyalardıń qosındısın logarifmlew ushın qolaylı túrge keltiriw jatadı. 2) birdeylik túrlendiriw - bul bazıbir kópliktiń onıń hár bir elementin ornında qaldırıwshı túrleniwi (ózine sáwleleniwi).