– cirkul hám sızǵısh járdeminde orınlanatuǵın geometriyalıq jasawǵa arnalǵan ápiwayı máseleler. Tegislikte bunday máselelerge tómendegi máseleler jatadı: 1) Kesindini, múyeshti, doǵanı teń ekige bóliw; 2) Berilgen tuwrıǵa perpendikulyar jasaw; 3) Berilgen tuwrıǵa parallel tuwrı jasaw; 4) Kesindini $n$ teńdey bóleklerge bóliw; 5) Kesindini berilgen qatnasta bóliw; 6) Úshmúyeshliklerdi jasaw; 7) Úshmúyeshliklerdi jasawdıń tiykarǵı jaǵdayları negizinde parallelogrammlardı, tuwrımúyeshliklerdi, kvadratlardı, romblardı jasaw; 8) Sheńberge urınba jasaw hám t.b. Keńisliktegi jasawǵa arnalǵan tiykarǵı máselelerge jatqarıw múmkin: 1) Berilgen tegislikke parallel bolǵan, berilgen tegislikten sırtta jatatuǵın noqat arqalı ótetuǵın tuwrını jasaw; 2) Berilgen noqat arqalı ótetuǵın, berilgen tuwrıǵa perpendikulyar bolǵan tegislikti jasaw; 3) Berilgen tuwrıǵa parallel bolǵan tegislikti jasaw; 4) Berilgen tuwrı arqalı ótetuǵın, basqa tuwrıǵa parallel bolǵan tegislikti jasaw hám basqa da kóp máseleler. Jasawǵa arnalǵan qálegen quramalı máselelerdi sheshiwde tereń bilimge hám bekkem kónlikpelerge iye bolıwda talap etiledi.