– 1) Arifmetikadaǵı bólshek - birdiń bir yamasa birneshe teń úleslerinen dúzilgen san, yaǵnıy $\displaystyle\frac{p}{q}$ túrindegi sanlar, bunda $p$ hám $q$ natural sanlar. Bundaǵı $q$ sanı bólshektiń bólimi dep atalıp, ol birliktiń qansha bólekke bólingenin kórsetedi, al $p$ sanı bólshektiń alımı dep atalıp, ol birlik bóleklerdiń (úleslerdiń) qansha alınǵanın kórsetedi. Eger $\displaystyle\frac{p}{q}<1$ bolsa, onda ápiwayı bólshek durıs bólshek dep ataladı. Eger $\displaystyle\frac{p}{q}\geq1$ bolsa, onda ol nadurıs bólshek delinedi. Eger $p=1$ bolsa, onda $\displaystyle\frac{1}{q}$ bólshegi birlik bólshek yamasa úles bólshek dep ataladı. Arifmetikalıq bólshek ápiwayı bólshek dep te ataladı. Ulıwma jaǵdayda $p$ - pútin san, al $q$ - natural san bolǵanda $\displaystyle\frac{p}{q}$ bólshek san dep esaplanadı. 2) Algebrada bólshek dep, $\displaystyle\frac{a}{b}$ túrindegi ańlatpaǵa aytıladı, bunda $a$ hám $b$ algebralıq ańlatpalar.