– sol hám oń jaqları bólshek-racional funkciyalar, yaǵnıy kópaǵzalılardıń qatnasları túrinde kórsetiletuǵın funkciyalar bolǵan teńsizlik. Bólshek-racional teńsizliklerdi $$\dfrac{f(x)}{g(x)}>0, \quad \dfrac{f(x)}{g(x)}<0, \quad \dfrac{f(x)}{g(x)}\geq0, \quad \dfrac{f(x)}{g(x)}\leq0$$ kórinisine keltiriw múmkin, bunda $f(x)$ hám $g(x)$ lar kópaǵzalılar. Bul bólshek-racional teńsizliklerdi sheshiw basqıshları tómendegilerden ibarat: 1) alımınıń nolleri tabıladı; 2) bóliminiń nolleri tabıladı; 3) alımı hám bóliminiń nolleri san kósherinde belgilenedi; 4) payda bolǵan aralıqlarda $\dfrac{f(x)}{g(x)}$ qatnasınıń belgileri tabıladı; 5) teńsizlikti qanaatlandıratuǵın aralıq yamasa aralıqlar teńsizliktiń sheshimi boladı.