– meyli keńislikte $A$ hám $A_1$ noqatları hám $l$ tuwrı sızıq berilgen bolsın. Eger $l$ tuwrı sızıqqa túsirilgen $AK$ hám$A_1K$ perpendikulyarlar teń hám óz-ara $\varphi$ múyesh jasaytuǵın bolsa, onda $l$ tuwrı sızıqqa salıstırǵanda $\varphi$ múyeshke burıw nátiyjesinde $A$ noqat $A_1$ noqatqa ótti delinedi. Eger keńislikte berilgen $F$ figuranıń hár bir noqatı $l$ tuwrı sızıqqa salıstırǵanda $\varphi$ múyeshke burılsa, jańa $F_1$ figura payda boladı. Bunda $F$ figura $l$ tuwrı sızıqqa salıstırǵanda $\varphi$ múyeshke burıwda $F_1$ figuraǵa ótti delinedi. Tuwrı sızıqqa salıstırǵanda burıwda qozǵalıs boladı. $l$ tuwrı sızıqqa salıstırǵanda $180^\circ$ múyeshke burıw tuwrı sızıqqa salıstırǵanda simmetriya delinedi. Burıwda tuwrı sızıq - tuwrı sızıqqa, al sheńber oǵan teń bolǵan sheńberge túrlenedi. Tegisliktegi burıw analitikalıq túrde $$x_1=x\cos \varphi - y\sin \varphi,\quad y_1=x\sin \varphi + y\cos \varphi$$ formulası menen beriledi, bunda $\varphi$ - burıw múyeshi.