– bul teorema tómendeginen ibarat: $n$ $(n>0)$ dárejeli hár qanday kópaǵzalı $$f(z)=a_{0}z^{n}+a_{1}z^{n-1}+\ldots+a_{n},$$ bunda $a_{0}\ne 0$, kompleks sanlar maydanında eń kem degende bir $z_{1}$ korenine iye, yaǵnıy $f(z_{1})=0.$ Algebranıń tiykarǵı teoreması hám Bezu teoremasınan kompleks sanlar maydanında $f(z)$ kópaǵzalısı $n$ korenge iye ekenligi kelip shıǵadı. XVII-XVIII ásirlerde algebranıń tiykarǵı mazmunı teńlemelerdi sheshiwden turatuǵın edi, sonlıqtanda joqarıdaǵı teorema algebranıń tiykarǵı teoreması dep ataladı. Bul teoremanı XVII ásirde francuz matematigi Jirar dálillegen.