– meyli tegislikte tuwrı múyeshli Dekart koordinatalar sisteması berilgen bolsın. Sonda $z=a+bi$ kompleks sanǵa tegislikte koordinataları $(a ; b)$ bolǵan noqat sáykes keledi; kerisinshe tegisliktiń qálegen noqatına kompleks san sáykes keledi. Bunda $a+0i$ kompleks sanǵa $(a ; 0)$ koordinatalı noqat, al $0+bi$ kompleks sanǵa $(0 ; b)$ koordinatalı noqat sáykes keledi. Sonıń ushın da $Ox$ kósher haqıyqıy hám $Oy$ kósheri jorıma kósher delinedi. $a+bi$ kompleks sandı tegislikte $a$ hám $b$ koordinatalı vektor kórinisinde de súwretlew múmkin.