– konuslıq betliktiń bir gewegi hám onı kesetuǵın, konuslıq betliktiń tóbesi arqalı ótpeytuǵın tegislik penen shegaralanǵan geometriyalıq dene. Bul tegisliktiń konuslıq betliktiń ishinde jatatuǵın bólegi $ABCDE$ konustıń ultanı dep, al tóbeden usı tegislikke shekemgi aralıq konustıń biyikligi dep ataladı. Konustıń tóbesi hám ultanı menen shegaralanǵan konuslıq bettiń bólegi konustıń qaptal beti dep ataladı. Eger konustıń ultanı dóńgelek bolsa, onda onday konus dóńgelek konus dep ataladı; eger bunday konustıń tóbesi dóńgelektiń orayına proekciyalanatuǵın bolsa, onda bul konus tuwrı dóńgelek konus dep ataladı. $SM$ kesindisi ($M$ - ultan sheńberiniń noqatı) konustıń jasawshısı delinedi. Tuwrı dóńgelek konustı tuwrımúyeshli úshmúyeshlikti bir katetiniń dógereginde aylandırıwdan kelip shıqqan aylanıw betligi dep te qarawǵa boladı.