– radikallardı ápiwayı túrge keltiriw hám esaplawlardı iqshamlastırıw ushın orınlanatuǵın birdeylik túrlendiriwler: 1) kóbeytiwshini koren astına kirgiziw; 2) koren astı ańlatpanı bólimnen qutqarıw; 3) kóbeytiwshini koren belgisi astınan shıǵarıw; 4) korenniń (radikaldıń) tiykarǵı qásiyetin hám onnan kelip shıǵatuǵın saldarlardı qollanıw; 5) bólshektiń bólimin radikallardan qutqarıw; 6) ayırım bikvadrat teńlemelerdi, irracional teńlemelerdi sheshkende, durıs kópmúyeshliklerdiń tárepleriniń sanın eki eselegende $\sqrt{A\pm\sqrt{B}}$ túrindegi radikallar menen is alıp barıwǵa tuwra keledi. Olardı $$\sqrt{A\pm\sqrt{B}}=\sqrt{\displaystyle\frac{A+\sqrt{A^{2}-B}}{2}}\pm\sqrt{\displaystyle\frac{A-\sqrt{A^{2}-B}}{2}}$$ formulası boyınsha túrlendiriwge boladı. Eger $2,3,4$ túrlendiriwler orınlansa, onda koren (radikal) eń ápiwayı yamasa normal túrdegi koren (radikal) dep ataladı.