– tegis kópmúyeshlikler menen shegaralanǵan geometriyalıq dene. Bul tegis kópmúyeshlikler kópjaqlınıń jaqları, olardıń tárepleri kópjaqlınıń qabırǵaları, al tóbeleri kópjaqlınıń tóbeleri dep ataladı. Kópjaqlınıń bir jaǵında jatpaytuǵın eki tóbesin tutastırıwshı kesindi onıń diagonalı dep ataladı. Kópjaqlınıń jaqlarınıń sanı $n$ bolsa, onda ol $n$-jaqlı dep te ataladı. Egerde kópjaqlı óziniń qálegen jaǵınıń tegisliginiń bir jaǵında jatsa, onda ol dóńes kópjaqlı dep ataladı. Dóńes kópjaqlınıń barlıq jaqları óz-ara teń durıs kópmúyeshlikler hám barlıq kópjaqlı múyeshleri óz-ara teń bolsa, onday kópjaqlı durıs kópjaqlı dep ataladı.