– baǵıtlawshısı ápiwayı kópmúyeshlik bolǵan konuslıq betliktiń bir bóleginen dúzilgen geometriyalıq figura. Konuslıq bettiń tóbesi $S$ kópjaqlı múyeshtiń tóbesi, baslanǵısh noqatı $S$ bolǵan hám baǵıtlawshınıń tóbeleri arqalı ótetuǵın nurlar kópjaqlı múyeshtiń qabırǵaları dep ataladı. Qonsılas qabırǵalar menen dúzilgen múyeshler kópjaqlı múyeshtiń tegis múyeshleri, al qonsılas qabırǵalar menen shegaralanǵan tegisliktiń bólegi kópjaqlı múyeshtiń jaqları dep ataladı. Kópjaqlı múyeshler jaqlarınıń sanına baylanıslı úshjaqlı múyesh, tórtjaqlı múyesh hám t.b.boladı. Súwrette $SABCD$ tórtjaqlı múyesh kórsetilgen. Eger baǵıtlawshı kópmúyeshlik dóńes bolsa, onda kópjaqlı dóńes kópjaqlı múyesh delinedi. Eger kópjaqlı múyeshtiń barlıq tegis múyeshleri hám eki jaqlı múyeshleri sáykes túrde teń bolsa, bunday kópjaqlı múyesh durıs kópjaqlı múyesh delinedi. Kópjaqlı múyeshtiń barlıq qabırǵaların kesip ótetuǵın hám onıń tóbesinen ótpeytuǵın hár qanday tegislik kópjaqlı múyeshten piramidanı kesip aladı.