– ápiwayı tuyıq sınıq sızıq hám onıń ishki oblastınıń birikpesi. Bul tuyıq sınıq sızıq kópmúyeshliktiń shegarası, sınıq sızıqtıń buwınları kópmúyeshliktiń tárepleri, al sınıq sızıqtıń tóbeleri kópmúyeshliktiń tóbeleri dep ataladı. Kópmúyeshliktiń qońsılas emes eki tóbesin tutastırıwshı kesindi kópmúyeshliktiń diagonalı dep ataladı. Eger kópmúyeshlik onıń qálegen tárepi arqalı ótetuǵın tuwrınıń bir tárepinde jatsa, onda ol dóńis kópmúyeshlik dep ataladı. Eger kópmúyeshliktiń tárepleriniń sanı $n$ bolsa, ol $n$ múyeshlik dep ataladı.