– belgisiz shama dáreje kórsetkishinde turatuǵın teńleme. Mektepte kórsetkishli teńlemeler tek haqıyqıy sanlar oblastında ǵana qarastırıladı. Ádette kórsetkishli teńlemeni $a^{f(x)}=a^{g(x)}$ (bunda $a>0, \ a\ne 1$) kórinisine keltiriw múmkin. Bul teńleme $f(x)=g(x)$ teńlemesine teń kúshli boladı. Bul kórsetkishlerdi teńlestiriw usılı dep ataladı. Ol teńdey dárejelerdiń mına qásiyetine tiykarlanǵan: eger $a^m=a^n$, $a\neq 0$, $a\neq\pm1$ bolsa, onda $m=n$. Bunnan basqa, kórsetkishli teńlemelerdi sheshiwge jańa ózgeriwshi kirgiziw usılı, logarifmlew usılı hám grafikalıq usıl da qollanıladı. Máselen, $a>0$, $a\neq1$, $b>0$ bolǵanda $a^x=b$ teńlemesiniń koreni $x=\log_{a}b$ ǵa teń boladı.