– kórsetkishli funkciya belgisi astında ózgeriwshige iye teńsizlik. Bunday teńsizlik - algebralıq teńsizlik emes. Kórsetkishli teńsizlikti sheshkende teńsizlikke kirgen funkciyalardıń qásiyetleri paydalanıladı. Birdey tiykarlı kórsetkishli teńsizliklerdi racional teńsizliklerge alıp keliwge boladı: 1) $a^{f(x)}\leq a^{g(x)}$ teńsizligi $0<a<1$ bolǵanda $f(x)\geq g(x)$ teńsizligine, al $a>1$ bolǵanda $f(x)\leq g(x)$ teńsizligine alıp kelinedi; 2) $a^{f(x)}<a^{g(x)}$ teńsizligi $0<a<1$ bolǵanda $f(x)>g(x)$ teńsizligine, al $a>1$ bolǵanda $f(x)<g(x)$ teńsizligine alıp kelinedi; 3) $a^{f(x)}>a^{g(x)}$ teńsizligi $0<a<1$ bolǵanda $f(x)<g(x)$ teńsizligine, al $a>1$ bolǵanda $f(x)>g(x)$ teńsizligine alıp kelinedi; 4) $a^{f(x)}\geq a^{g(x)}$ teńsizligi $0<a<1$ bolǵanda $f(x)\leq g(x)$ teńsizligine, al $a>1$ bolǵanda $f(x)\geq g(x)$ teńsizligine alıp kelinedi. Tiykarı hár qıylı bolǵan $a^{f(x)}<b^{f(x)}$ teńsizligi $a>0$, $a\neq1$ hám $b>0$, $b\neq1$ bolǵanda $\left(\dfrac{a}{b}\right)^{f(x)}<1$ teńsizlikke keltirilip sheshiledi. Kórsetkishli teńsizliklerdi sheshiwde jańa ózgeriwshi kirgiziw usılı, sonday-aq, grafikalıq usıllar da qollanıladı.