– kombinatorikanıń túsinikleriniń biri. $n$ elementten $k$ element boyınsha dúzilgen teriw dep, $n$ elementli kópliktiń $k$ elementinen ibarat bolǵan hár qanday úles kóplikke aytıladı. Eger bazıbir element eki teriwdiń birinde qatnasıp, ekinshisinde qatnaspasa, onda bul eki teriw hár qıylı teriw delinedi. $n$ elementten ($n$ elementli bazıbir kóplikten) $k$ element boyınsha dúzilgen hár qıylı teriwlerdiń sanı $C_{n}^{k}$ simvolı menen belgilenedi hám tómendegi formula menen ańlatıladı: $C_{n}^{k}=\dfrac{n!}{k!(n-k)!}$ yamasa $C_{n}^{k}=\dfrac{A_{n}^{k}}{P_{k}},$ bul jerde $A_{n}^{k}$ - $n$ elementten $k$ element boyınsha dúzilgen ornalastırıwdıń sanı, $P_{k}$ - $k$ elementten dúzilgen orın almastırıwlardıń sanı. $C_{n}^{k}$ - sanlardıń binomial koefficientleri boladı.