– $y=a{{x}^{2}}+bx+c$ kórinisindegi funkciya, bunda $a$, $b$, $c$ - berilgen haqıyqıy sanlar; $a\neq 0$, $x$ - haqıyqıy ózgeriwshi. Bul kvadratlıq funkciyanıń grafigi parabola dep atalatuǵın iymek sızıq boladı. $y=a{{x}^{2}}+bx+c$ parabolanıń ordinatalar kósherlerine qarata shaqaları $a>0$ bolǵanda joqarı baǵıtlanadı, al $a<0$ bolǵanda tómen qaray baǵıtlanadı. Bul parabolanıń tóbesiniń $({{x}_{0}},{{y}_{0}})$ koordinataları ${{x}_{0}}=-\dfrac{b}{2a}$, ${{y}_{0}}=a{{x}^{2}}+b{{x}_{0}}+c$ yamasa ${{y}_{0}}=-\dfrac{{{b}^{2}}-4ac}{4a} $ formulaları boyınsha esaplanadı. $y=a{{x}^{2}}+bx+c$ parabolası onıń tóbesi arqalı ótiwshi, ordinatalar kósherine parallel bolǵan tuwrıǵa qarata simmetriyalı boladı. Parabolanıń $Ox$ kósheri menen kesilisiw noqatlarınıń abscissaları kvadratlıq funkciyanıń nolleri boladı. Kvadratlıq funkciyanıń nollerin tabıw ushın $a{{x}^{2}}+bx+c=0$ teńlemesin sheshiw talap etiledi. Kvadratlıq funkciyanıń grafiginiń ordinatalar kósheri menen kesilisiw noqatınıń ordinatası funkciyanıń $x=0$ noqattaǵı mánisine teń.