– $a{{x}^{2}}+bx+c=0$ túrindegi teńleme. Bundaǵı $a$, $b$, $c$ koefficientleri haqıyqıy sanlar, sonday-aq, kompleks sanlar da bolıwı múmkin. Hár qanday kvadrat teńleme kompleks sanlar maydanında eki korenge iye boladı. Eger $a=1$ bolsa, onda bul teńleme keltirilgen kvadrat teńleme dep ataladı hám ol ${{x}^{2}}+px+q=0$ túrinde jazıladı. Eger $b=0$, yamasa $b=c=0$, yamasa $c=0$ bolsa, onda bunday teńlemeler tolıq emes kvadrat teńlemeler dep ataladı. Kvadrat teńlemeniń korenleriniń qosındısı $-\dfrac{b}{a}$ ǵa teń, yaǵnıy ${{x}_{1}}+{{x}_{2}}=-\dfrac{b}{a}$, al korenleriniń kóbeymesi $\dfrac{c}{a}$ ǵa teń, yaǵnıy ${{x}_{1}}\cdot {{x}_{2}}=\dfrac{c}{a}$ (Viet teoreması).