– sheksiz úshmúyeshli piramida menen shegaralanǵan keńisliktiń bólegi. Úshjaqlı múyeshti tómendegishe anıqlawǵa boladı: keńislikte bir noqattan shıǵıwshı $a$, $b$ hám $c$ nurları úsh $(a\,b)$, $(b\,c)$ hám $(a\,c)$ tegis múyeshlerin payda etedi. Bul tegis múyeshlerden payda bolǵan $(a\,b\,c)$ figurası úshjaqlı múyesh dep ataladı. Tegis múyeshler úshjaqlı múyeshtiń jaqları dep, olardıń tárepleri úshjaqlı múyeshtiń qabırǵaları dep, ulıwma tóbesi úshjaqlı múyeshtiń tóbesi dep ataladı. Úshjaqlı múyeshtiń jaqlarınan payda bolǵan ekijaqlı múyeshler úshjaqlı múyeshtiń ekijaqlı múyeshleri dep ataladı. Úsh $(a\, b)$, $(b\,c)$ hám $(a\,c)$ tegis múyeshleri úshjaqlı múyeshtiń tegis múyeshleri dep te ataladı.