– qosındınıń (ayırmanıń) berilgen sanǵa bólingishliginiń jetkilikli shártlerin anıqlaytuǵın qaǵıydalar. Bul belgiler tómendegilerden ibarat: 1) Eger hár bir qosılıwshısı bir hám sol sanǵa bólinse, onda olardıń qosındısı da bul sanǵa bólinedi. 2) Eger qosılıwshılardan birewi berilgen sanǵa bólinbese, al basqaları sol sanǵa bólinse, onda olardıń qosındısı usı sanǵa bólinbeydi. 3) Eger azayıwshı hám alınıwshı bazıbir sanǵa bólinse, onda olardıń ayırması da bul sanǵa bólinedi. 4) Eger azayıwshı (alınıwshı) bazıbir sanǵa bólinbese, al alınıwshı (azayıwshı) bólinse, onda olardıń ayırması da usı sanǵa bólinbeydi.