– eki qarama-qarsı tárepleri parallel bolǵan, al qalǵan ekewi parallel bolmaǵan dóńes tórtmúyeshlik trapeciya dep ataladı. Bul parallel táreplerdi trapeciyanıń ultanları dep ataydı. Basqa eki tárepi qaptal tárepleri dep ataladı. Qaptal tárepleri teń bolǵan trapeciya teń qaptallı trapeciya dep, al qaptal tárepleriniń biri ultanına perpendikulyar bolǵan trapeciya tuwrı múyeshli trapeciya dep ataladı. Parallel tárepler arasındaǵı qashıqlıq trapeciyanıń biyikligi delinedi. Trapeciyanıń maydanı $S=\frac{1}{2}(a+b)h$ formulası menen esaplanadı, bunda $a$, $b$ - trapeciyanıń ultanları, al $h$ - onıń biyikligi.