– ózgeriwshi trigonometriyalıq funkciya belgisi astında qatnasatuǵın teńleme. Trigonometriyalıq teńlemeni durıs sanlı teńlikke aylandıratuǵın ózgeriwshiniń mánisi usı teńlemeniń sheshimi yamasa koreni delinedi. Korenler kópligi sheshim dep ataladı. Trigonometriyalıq teńlemeni sheshiw - onıń barlıq korenlerin tabıwdı yamasa sheshimlerge iye emes ekenin dálillewdi ańlatadı. Trigonometriyalıq teńlemelerdi sheshiwdiń ulıwma usılı olardı hár qıylı túrlendiriwler járdeminde bir yamasa birneshe eń ápiwayı teńlemelerge alıp keliwden ibarat. Trigonometriyalıq funkciyalardıń periodlıǵın, trigonometriyalıq teńlemeniń korenleriniń sheksiz kóp bolıwın oqıwshılardıń biliwi talap etiledi.