– geometriyalıq figuralarda olardıń ólshemlerinen ǵárezsiz túrde birdey formanıń bolıwın sıpatlaytuǵın túsinik. Eger eki $F_{1}$ hám $F_{2}$ figuraları noqatları arasında óz-ara bir mánisli sáykeslik ornatıw múmkin bolıp, bunda sáykes noqatlardıń qálegen jupları arasındaǵı aralıqlar qatnası turaqlı $k$ ǵa teń bolsa, onda bul figuralar uqsas delinedi. Bundaǵı $k$ turaqlısı uqsaslıq koefficienti dep ataladı. Uqsas figuralardıń sáykes sızıqları arasındaǵı múyeshler teń. Sheklengen uqsas figuralardıń maydanlarınıń qatnası uqsaslıq koefficientiniń kvadratına, al kólemleriniń qatnası uqsaslıq koefficienttiń kubına teń boladı.