– $1)$ Tiykarǵı elementar funkciyalardıń grafiklerin jasaw ushın “noqatlar boyınsha” jasaw qollanıladı. Bunıń ushın $x$ argumenttiń bir birine jaqın birneshe mánisleri ushın funkciyanıń mánisleri esaplanadı. Nátiyjede birneshe $(x;y)$ sanlar jupları alınadı. Bul noqatlar koordinatalar tegisligine salınadı. Salınǵan noqatlardı tutastırıwshı bir tegis sızıq funkciyanıń juwıq grafigin ańlatadı. Biraq, bul usıldı bir qansha quramalı funkciyalardıń grafigin jasawǵa qollanıw berilgen funkciyaǵa aldın ala izertlewdi talap etedi. $2)$ Funkciya grafigin “ámeller” boyınsha jasaw. Bul jaǵdayda grafikler ústinde ayırım ámeller orınlanadı.