– $y=f\left(x\right)$ funkciyası $x=a$ noqatta minimumǵa iye boladı, eger $a$ ǵa jetkilikli jaqın bolǵan barlıq $x$ ushın $f(a)<f(x)$ teńsizligi orınlı bolsa. Bul $x=a$ noqatı funkciyanıń minimum noqatı delinedi, al $f(a)$ mánisi funkciyanıń minimum mánisi dep ataladı. Eger $(a ; b)$ aralıqta úzliksiz bolǵan $y=f\left(x\right)$ funkciyası usı aralıqta tek bir $x_1$ minimum noqatqa iye bolsa, onda $f\left(x_1\right)$ mánisi $y=f\left(x\right)$ funkciyasınıń usı aralıqtaǵı eń kishi mánisi boladı. Eger $y=f\left(x\right)$ funkciyası $[a ; b]$ aralıqta shekli sandaǵı $x_1,x_2, \ldots ,x_n$ lokal minimum noqatlarǵa iye bolsa, onda funkciyanıń eń kishi mánisi (global (absolyut) minimum) $f(a),f(x_1), \ldots ,f(x_n), f(b)$ mánisleriniń eń kishisi boladı. Global minimum absolyut minimum dep te ataladı. Hár qanday funkciya maksimum yamasa minimumǵa iye bola bermeydi. Ekstremumǵa (yaǵnıy maksimum yamasa minimumǵa) iye emes funkciyalar da bar. Máselen, $y=\text{tg} x$, $y=a$, $y=kx+b$ hám t.b.