– meyli tegislikte eki $a_{1}$ hám $a_{2}$ tuwrıların úshinshi $c$ tuwrısı kesip ótsin. Usı tuwrılardıń kesilisiwinen payda bolǵan 8 múyeshti $1,2,...,8$ cifrları menen belgileymiz. Sonda: 1) 3 hám 5; 4 hám 6 múyeshler ishki ayqısh múyeshler dep ataladı. Eger $a_{1}\parallel a_{2}$ bolsa, onda ishki ayqısh múyeshler teń boladı. 2) 1 hám 7; 2 hám 8 múyeshler sırtqı ayqısh múyeshler dep ataladı. Eger $a_{1}\parallel a_{2}$ bolsa, onda olar teń boladı. 3) 3 hám 6; 4 hám 5 múyeshler ishki bir tárepleme múyeshler dep ataladı. Eger $a_{1}\parallel a_{2}$ bolsa, onda olardıń qosındısı $2d$ ǵa teń. 4) 2 hám 7; 1 hám 8 múyeshler sırtqı bir tárepleme múyeshler dep ataladı. Eger $a_{1}\parallel a_{2}$ bolsa, onda olardıń qosındısı $2d$ ǵa teń. 5) 1 hám 5; 4 hám 8; 2 hám 6; 3 hám 7 sáykes múyeshler delinedi. Eger $a_{1}\parallel a_{2}$ bolsa, onda olar teń boladı.