– “Baslamalar” áyyemgi grek ilimpazı Evklidtiń elementar geometriya boyınsha jazǵan shıǵarması. “Baslamalar” 13 kitaptan ibarat bolıp, sol dáwirdegi grek matematikasınıń elementar geometriya, sanlar teoriyası, geometriyalıq shamalardı ólshew teoriyası, shekler teoriyasınıń elementleri bólimleri izbe-iz bayan etilgen. Evklidtiń “Baslamalar” - geometriyanı deduktiv metod penen dúziwdiń ájayıp úlgisi bolıp esaplanadı. Dúnyadaǵı kóp mámleketlerdiń orta mekteplerinde úyreniletuǵın elementar geometriya “Baslamalar” da bayan etilgen geometriyadan az parıq qıladı.