– bul mına $$\sum\limits_{k=1}^N a_k b_k=a_N b_N -a_1 B_0-\sum\limits_{k=1}^{N-1}B_k(a_{k+1}-a_k)$$ túrindegi túrlendiriw, bunda $a_k,$ $b_k$ - berilgen, $B_0$ ıqtıyarlı túrde tańlap alınadı, al $$B_k=B_{k-1}+b_k=B_0+b_1+b_2+\ldots+b_k, \ k=1, 2, \ldots, N.$$ Abel túrlendiriwi bóleklep integrallaw formulasınıń diskretlik analogı boladı. Eger $a_N\rightarrow 0$ hám $\{B_k\}$ izbe-izligi shegaralanǵan bolsa, onda Abel túrlendiriwi qatarlarǵa ulıwmalasadı: $$\sum\limits_{k=1}^{\infty}a_k b_k=\sum\limits_{k=1}^{\infty}(a_k-a_{k+1})B_k-a_1 B_0.$$ Abel túrlendiriwi járdeminde sanlıq hám funkcionallıq qatardıń jıynaqlıǵınıń kóp belgileri dálillenedi. Bul túrlendiriw N. Abel tárepinen kiritilgen (1826).