– qatarlar hám integrallardıń jıynaqlıǵınıń áhmiyetli dara jaǵdayı. Eger $\sum\limits_{n=1}^{\infty}|a_{n}|$ qatarı jıynaqlı bolsa, onda $\sum\limits_{n=1}^{\infty}a_{n}$ qatar absolyut jıynaqlı qatar dep ataladı. Usıǵan uqsas túrde menshiksiz integrallardıń absolyut jıynaqlılıǵı anıqlanadı. Eger $I=\int\limits_{0}^{\infty}f(x)dx$ integral menen bir qatarda $\int\limits_{0}^{\infty}|f(x)|dx$ integralı da jıynaqlı bolsa, onda $I$ absolyut jıynaqlı dep ataladı.