– kommutativlik kolcolar menen baylanıslı bolǵan geometriyalıq obyektlerdi: algebralıq kópobrazlıqlardı hám olardıń hár qıylı ulıwmalastırıwların (sxemalar, algebralıq keńislikler hám basqalar) úyrenetuǵın matematikanıń tereń rawajlanǵan, quramalı hám keń tarqalǵan bólimleriniń biri. Algebralıq geometriya differenciallıq hám simplektikalıq geometriya, topologiya menen, komplekslik hám funkcionallıq analiz benen, algebra, kategoriyalar teoriyası, diskret matematika, itimallıqlar teoriyası, kompyuterlik algebra, kriptografiya, matematikalıq fizika hám basqa da kóp tarawlar menen tıǵız baylanıslı. Klassikalıq algebralıq geometriyanıń úyreniw obyekti - kópaǵzalı teńlemeler sistemaları hám olardıń nolleri. Bas principi: teńlemeler sıpatında algebralıq túrde, al noqatlar kópligi sıpatında geometriyalıq kóz-qarastan qarawǵa boladı. Algebralıq geometriyanıń sońǵı dáwirdegi keńnen belgili jetiskenlikleriniń biri - Ferma teoremasınıń dálilleniwi boldı. Házirgi waqıtta algebralıq geometriya aǵıslar teoriyasınıń matematikalıq tiykarı bolǵan aynalıq simmetriyada, elementar bólekshelerdi súwretleytuǵın fizikalıq teoriyada keńnen qollanılmaqta.