– eger kópjaqlınıń barlıq tóbeleri sferada jatsa, onda kópjaqlı sharǵa (sferaǵa) ishley sızılǵan dep ataladı. Bul jaǵdayda shar (sfera) kópjaqlıǵa sırtlay sızılǵan delinedi. Eger shardıń beti konustıń tóbesi arqalı ótse, al konustıń ultanınıń sheńberi shar betinde jatatuǵın bolsa, onda shar konusqa sırtlay ssızsılǵan dep ataladsı. Eger cilindrdiń yamasa kesik konustıń ultanlarınıń sheńberleri shar betinde jatatuǵın bolsa, onda shar cilindrge yamasa kesik konusqa sırtlay sızılǵan delinedi. Shardı úshmúyeshli piramidaǵa sırtlay sızıw múmkin. Bul jaǵdayda shardıń orayı piramida qabırǵalarınıń ortalarına perpendikulyar bolǵan barlıq tegisliklerdiń kesilisiw noqatı boladı. Cilindrge hám kesik konusqa sırtlay sızılǵan shardıń orayı ultanlarınıń orayları arqalı ótiwshi perpendikulyar menen kósher kesimi tegisliginde júrgizilgen dúziwshiniń ortası arqalı ótiwshi perpendikulyardıń kesilisiw noqatında jaylasadı. Sonday-aq, shardı durıs kópjaqlılarǵa sırtlay sızıwǵa boladı.