– bazıbir waqıtları $f(x)$ funkciyasındaǵı $x$ argumenttiń ornına $a$ sanın qoyıp, $f(x)$ funkciyanıń mánisin esaplanǵanda $\dfrac{0}{0}$; $\dfrac{\infty}{\infty}$; $0\cdot\infty$; $\infty-\infty$; $0^{0}$; $1^{\infty}$ hám $\infty^{0}$ túrindegi anıq emes ańlatpaları (anıq emeslikler) payda boladı. Biraq, bul ańlatpalarǵa analizdiń túsiniklerin qollana otırıp belgili bir máni beriwge boladı. Eger $f(x)$ funkciyası $x=a$ noqatınıń bazıbir dógereginde úzliksiz bolsa, onda $a$ noqatın shıǵarıp taslap, $f(a)$ ushın $\lim\limits_{x\rightarrow a}f(x)$ shegin qabıl etemiz. Bul shekti esaplaw anıq emeslikti ashıw dep ataladı. Joqarıda kórsetilgen barlıq anıq emeslikler bazıbir túrlendiriw járdeminde $\dfrac{0}{0}$ yamasa $\dfrac{\infty}{\infty}$ túrine keledi, ol Lopital qádesi boyınsha esaplanadı.