– matematikanıń tiykarǵı túsinikleriniń biri, ol bazıbir ózgeriwshi basqa ózgeriwshiden ǵárezli bolıp, onıń belgili bir ózgeriwinde bazıbir turaqlı mániske sheksiz jaqınlasatuǵının ańlatadı. Shek túsinigi matematikalıq analizdiń úzliksizlik, tuwındı, differencial hám integral sıyaqlı tiykarǵı túsinikleri menen tıǵız baylanıslı. Limit sózi latınsha “limes (limite)” - “shek,” “shegara,” “shegaralıq tas” - degen sózden kelip shıqqan. “limes” sózin birinshi ret Nyuton paydalanǵan hám ol $lim$ belgilewin (simvolın) kiritken.