– tómendegi tastıyıqlawdan ibarat: eger funkciyalardıń $\Omega $ kópligi teń ólshemli sheklengen hám teń dárejeli úzliksiz bolsa, onda bul kópliktiń funkciyalarınıń hár qanday izbe-izliginen bazıbir funkciyaǵa teń ólshemli jıynaqlı bolatuǵın úles izbe-izlik saylap alıwǵa boladı. $\rho(f, g)=\sup|f-g|$ metrikasına qarata tolıq metrikalıq keńislik bolatuǵın $\Omega $ funkciyalar kópligi ushın Arcela teoremasınıń shártleriniń orınlanıwı $\Omega $ kópliginiń kompaktlılıǵın ańlatadı. Arcela teoreması funkcionallıq analizdiń hám differenciallıq teńlemeler teoriyasınıń kóp máselelerinde qollanıladı.