– $n$ ólshemli keńisliktegi ashıq oblast - tolıǵı menen ishki noqatlardan turatuǵın usı keńisliktiń noqatlarınıń baylanıslı kópligi. Ashıq oblasttıń eki noqatın tolıǵı menen usı ashıq oblasttıń noqatlarınan turatuǵın sınıq sızıq penen tutastırıwǵa boladı. Mısallar: a) Dóńgelektiń, tuwrımúyeshliktiń, kópmúyeshliktiń, múyeshtiń ishki noqatlarınıń (sırtqı noqatlarınıń) kópligi tegisliktegi ashıq oblast boladı; b) Shardıń, parallelepipedtiń, kópjaqlı múyeshtiń ishki noqatlarınıń (sırtqı noqatlarınıń) kópligi keńisliktegi ashıq oblast boladı.