– $n$-tártipli ápiwayı differenciallıq teńlemeniń ulıwma sheshimi - $n$ erkli turaqlı $C_{1}, C_{2}, \ldots,C_{n}$ lerge úzliksiz baylanıslı bolǵan $y = \varphi(x, C_{1}, C_{2},\ldots, C_{n})$ sheshimler toparı. Bul turaqlılardıń mánislerin sáykes túrde saylap alıp, teńlemeniń ayrıqsha sheshiminen basqa qálegen dara sheshimin alıwǵa boladı. Bul turaqlılardıń belgili bir mánislerin saylap alıw, baslanǵısh shártlerdiń beriliwi menen ekvivalentli boladı. Baslanǵısh shárt ulıwma sheshimnen dara sheshimdi bir mánisli bólip shıǵaradı.